استعدادات العيد .. getting ready for eid

بسم الله الرحمن الرحيم

20170623_193434029_iOS

السلام عليكم و رحمة الله و بركاته

اليوم 28 رمضان العيد ماباقي عليه شي كل عام و انتوا بخير ينعاد علينا و عليكم بالصحه و العافية ان شاء الله

موضوع اليوم كيف نستعد للعيد و نطلع بأحسن صورة , عادة قبل العيد ب يوم احرص اني اهتم بجسمي ووجهي و استخدم مقشرات واحط ماسكات و ارطب كويس وبشكل عام انا استخدم هذي الخلطات قبل اي مناسبة مهمه عندي ..

تقشير الوجه :

20170623_064324860_iOS.jpg

في تقشير الوجه استخدم مع غسول الوجه اسفنجة ذا بودي شوب او الفرشة حقتهم برضو بس لو مو متوفره عندك ممكن تستخدمي سكر مع زيت زيتون او زيت جوز الهند و تقشري وجهك و هذي الطريقه الافضل .. الاسفنجة او الفرشه تقشيرهم خفيف و لمن تستخدميهم مع غسول الوجه يساعدوا ان البشره تنظف بعمق اكثر من انهم يقشروا .. اهم شي التقشير يكون بلطف و نعومه عشان ما تحسسي وجهك ..

بعد التقشير يجي دور الماسك :

20170623_063020570_iOS.jpg

مكونات الماسك : لبن + كركم + نشا + شوفان ( يفضل مطحون ) ..

هذا الماسك انا استخدمه على طول يساعد جدا في تحسن البشرة معروف فوائد اللبن و تأثيره على بشرة الوجه

الشوفان يساعد على الترطيب

الكركم معروف استخدامه كماسك للوجه من زمان في الهند و الصين و من تقاليدهم ان العروسه لازم تستخدمه قبل زواجها عشان بشرتها تتطلع صافيه و نظره

ينفع للي عندهم حب شباب و للحبوب اللي ماتتطلع الا قبل اي مناسبه ب يوم .. مخفف للالتهابات و مضاد للأكسدة , الكركم يساعد على تفتيح البقع الداكنه بالوجه زي الهالات و التصبغات او اثار الحبوب القديمه ..

ممكن نستخدم هذا الماسك كمقشر بديل للمقشرات اللي ذكرتها فوق .. بعد ما تخلطي المكونات و تخلي الماسك على وجهك من ربع ساعه الى 20 دقيقه او الى ان يجف و ينشف على وجهك لاتغسليه بالمويا قشري وجهك بالماسك بحركات دائريه بعدين اغسلي وجهك .. ولاتنسي بعدها الترطيب بمرطب الوجه اللي تستخدميه ضروري جدا هذي الخطوه ..

تقشير الجسم :

ممكن تستخدمي الفرشة الجافه اذا متوفره عندك .. كتبت عنها موضوع كامل هنا او تستخدمي الخلطه

20170623_065246500_iOS.jpg

مقشر الجسم : بن القهوة + سكر + زيت جوز الهند + زيت الجليسرين .. ممكن تستبدلي الزيوت باللي متوفره عندك زي زيت الزيتون او زيت اللوز

نخلط المكونات مع بعض على حسب احتياجك اهم شي ان كمية القهوه تكون ضعف كمية السكر و الزيوت نكتفي بملعقة او ملعقتين ..

نقشر فيها الجسم عشان نزيل الجلد الميت ونركز على الاماكن الجافه و الغامقه زي المفاصل

ترطيب الجسم :

20170623_065955520_iOS.jpg

ضروريه هذي الخطوه وماينفع نتجاهلها بعد التقشير لازم ترطيب استخدمي اي مرطب متوفر عندك يفضل يكون ترطيبه عالي و عميق .. ولو عندك لوشن او مرطب عادي و تبغي تزيدي ترطيبه ضيفي عليه زيت اي زيت عندك زيت زيتون او زيت جوز الهند او زيت لوز حتى لو زيت اطفال .. اهم شي نحصل على الترطيب العالي ..

ان شاء الله كان موضوع لطيف خفيف , شكرا على وقتكم وعيدكم مبارك ..

 

الإعلانات

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار وردبرس.كوم

أنت تعلق بإستخدام حساب WordPress.com. تسجيل خروج   /  تغيير )

Google photo

أنت تعلق بإستخدام حساب Google. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s

This site uses Akismet to reduce spam. Learn how your comment data is processed.