العناية بالشعر .. hair care

بسم الله الرحمن الرحيم

20170707_141903578_iOS.jpg

السلام عليكم و رحمة الله و بركاته , زمان كنت من الناس المهملين لشعرهم و بطبيعة الوضع شعري كان تعبان و مقصف وخفيف , ح اتكلم عن منتجين و بعض العادات اللي غيرت من شعري و صار اكثر صحي ..

المنتج 1 :

20161003_113918214_iOS

زيت للشعر من لوريال ( سيروم ) من مجموعة elvive مستخلص من 6 زيوت من ازهار نادره وله استعمالات متعدده ..

بدون مبالغه هذي يمكن العلبه رقم 16 او 17 اللي اخلصها , و السبب اللي خلاني اجربه من البدايه هو اني اكره الزيوت التقليديه زي جوز الهند و السمسم و زيت الزيتون … الخ و مااحب احس فيها على شعري ..

السيروم بأنواعه كان هو الحل البديل بالنسبه لي , استخدمه من سنتين تقريبا اول ما طلعوا بالمجموعه و من بعدها ماقدرت ابدله ب شي بعد استخدامي له اتحسن شعري تحسن ملحوظ بنسبة 80‎%‎ ، نوعيه شعري جاف و خفيف اول شي لاحظته مع استخدامي له اعطى شعري لمعه خفيفه , و الاهم بالنسبه لي كان ان ترطيبه حلو و عالي ونفشة الشعر والجفاف خفوا بنسبة 60% , التقصف شبه راح ..

 طريقة استخدامي له بعد ما اغسل شعري اخليه ينشف طبيعي و تبقى بس شوية رطوبه او بلل ، امشطه و بعدها احط على اطراف شعري كاملة , ريحة السيروم جميله ريحة ورد ومايزيت الشعر او يعطيه مظهر الزيت بالعكس الشعر يمتص الزيت على طول و يترطب .. له استخدامات كثيره , فيه نوعين منه للشعر المصبوغ و الشعر العادي انا جربت للشعر العادي .

السيروم متوفر في هايبر بنده واغلب السوبرماركت الكبيره سعره فوق ال 50 ريال سعودي

المنتج 2 :

20161006_114926436_iOS.jpg

المشط الخشب من ذا بودي شوب ..

الامشاط المصنوعه من البلاستيك اختيار سيئه للاستخدام لانها تسبب كهرباء للشعر بالتالي الشعر يزيد التساقط و التقصف , غير كذا البلاستيك يخلي الشعر يفقد زيوته الطبيعيه من فروة الراس و يزيد جفاف الشعر ..
بالنسبة للفرش شخصيا اشوفها اسوء اختيار لمشط الشعر حتى لو كانت خشب , ماقدرت اتقبل اني استخدم فرشة لمشط الشعر ولو اضطريت اني استخدمها الاحظ على شعري يطيح اثناء المشط بكمية اكبر , لو انتي ترتاحي مع الفرش اكثر من الامشاط خليك دايما على الفرشة الخشب ..

 المشط الخشب اي مشط مصنوع من الخشب مو لازم تبع ذا بودي شوب , مادة الخشب ما تسبب كهرباء في الشعر يقل التقصف و يخف التساقط ، الشعر مايصير يكهرب و يلصق في ملابسك , استخدامك للمشط الخشب كأنك تسوي تدليك خفيف لفروة الراس يساعد في تنشيط الدوره الدمويه و ازالة اي مواد تسد فروة الراس فالشعر ينمو بطريقة اسرع و صحيه اكثر و لمن تمشطي فيه خفيف ولطيف على الشعر هذا غير ان اسنانه كبيره لمن تمشطي فيه مح يقطع لك الشعر او يسبب تساقط زي اللي تكون اسنانها صغيره .. سعره 19 ريال تلاقوه في محلات ذا بودي شوب

الطريقة الصحيحه لمشط الشعر :

عادة بسيطه تتبعيها لكن تأثيرها كبير على المدى الطويل , طريقة مشط الشعر تأثر فيه , الطريقة الصحية هي انك تنزلي شعرك بالكامل على قدام و تمشطيه20170706_113138786_iOS

هذي الطريقه تساعد ان الدوره الدمويه تتنشط بالتالي الشعر يكون اكثر حيويه و صحي و تقلل من التقصف ويسهل في المشط خصوصا للشعر الطويل .. ودائما عودي نفسك او حاوي تتجنبي انك تمشطي شعرك و هو مبلول , استنيه لمن ينشف على الاقل نصه بعدين امشطيه .. و الامر الطبيعي لو تبغي شعر صحي و جميل ابعديه عن الحراره او على الاقل خففي من استخدامك لها ..

اتمنى كان موضوع خفيف و استفدتوا منه

شكرا على وقتكم

 

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار وردبرس.كوم

أنت تعلق بإستخدام حساب WordPress.com. تسجيل خروج   /  تغيير )

Google photo

أنت تعلق بإستخدام حساب Google. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s

This site uses Akismet to reduce spam. Learn how your comment data is processed.