عادات واسرار لبشرة صحيه .. Habits for a healthy skin

 بسم الله الرحمن الرحيم

IMG_6196.jpg

السلام عليكم و رحمة الله و بركاته

بعد محاولاتي الطويله لمدة سنوات في الحصول على بشرة مثالية او شبه مثالية صارت عندي خبره وتجربة كافيه في السر اللي ممكن يعطيني النتيجه اللي ترضيني , مجموعة من العادات و الاسرار توصل اي بشرة لنتيجة افضل و احلى ..

الاكل النظيف :

IMG_6194.jpg

قاعده لازم نمشي عليها بحياتنا اي شي يدخل جسمك ح يعكس على برا جسمك .. لو معظم الاكل و الشرب الي يدخل الجسم نظيف و صحي تلقائي و بدون اي تتدخل منك ح يعكس على البشره و الشعر و الجلد و الاظافر ..

اذا ندور على بشرة صحيه و تلمع و فيها نظاره وخاليه من المشاكل اول شي نشوف ايش نوع اكلنا و كميته قبل لا نلجأ للمنتجات و الكريمات و الخلطات .. نرجع للاساس وهو ان اللي يدخل جسمك طبيعي ح يعكس على شكلك وصحة بشرتك , احرصي ان 80% من اكلك يكون مفيد و نظيف و صحي و يغذي لك جسمك ..

شرب الماء :

IMG_6193.jpg

ترطيب الجسم من الداخل قبل الخارج مهم جدا , اذا انتي حريصه انك بس ترطبي جسمك من الخارج بالمرطبات العاديه لكن جسمك من الداخل جفا مح تلاقي النتيجه و الفائده اللي تبغيها , جربي كل الطرق و الوسائل اللي تساعدك انك تكثري من شرب الماء ..

الماء هو الاساس لجمال و نظارة اي بشرة .. اعتبري بشرتك زي البيت ماينفع نزين البيت ونحط الاثاث و الديكور و جدران البيت متصدعه و متهالكه نفس الشي البشره الترطيب و الاهتمام الخارجي مح يجيب نتيجه اذا الاساس و داخل الجسم يعاني من جفاف ..

تقليل المنتجات :

IMG_6195.jpg

كل ماقللتي استخدامك للمنتجات اللي تخص البشره كل ماكان احسن بشرة الوجه ماتحتاج غير ثلاث اشياء : تنظيف و ترطيب و حمايه من الشمس .. لا تغريك كثرة المنتجات الللي نشوفها اليوم بكل مكان للترطيب و التفتيح و النظاره و ازالة البقع و ازالة الحبوب و واشراقة للوجه و ترطيب خاص للعيون و سيروم …. الخ

بشراتنا ماتحتاج كل هذي المنتجات و هذا التعقيد الا في حالة عندك مشكله معينه و تعالجيها بمنتج من وصفة طبيب جلديه .. اكتفي بتنظيف الوجه بغسول ترتاحي عليه و مرطب يناسب نوع بشرتك و كريم حماية من الشمس فقط .. انا شخصيا افضل اني استخدم الغسول مره وحده باليوم و فيه ايام اكتفي بالماء لحاله ..

الاهتمام بنظافة البشرة :

المحافظه على بشرة الوجه نظيفه يساعد انها تكون صحيه .. خلال اليوم حاولي ان بشرتك ماتتعرض للاوساخ و الغبار بصوره كبيره تأكدي ان يدك دايما تكون نظيفه قبل لا تلمسي وجهك .. لا تشاركي المنتجات الي تخص وجهك مع احد ثاني زي فرش المكياج ..

كمسلمين الحمدالله عملية الوضوء تساعد اننا نحافظ على نظافة الوجه خلال اليوم , تنظيف البشرة و ترطيبها قبل النوم مهم و من الامور اللي تحافظ على البشرة نظيفه ..

اتمنى الموضوع يكون مفيد , اذا عجبكم شاركوه في مواقع التواصل الاجتماعي ..

دمتم بصحه و عافية , شكرا على وقتكم ..

 

 

الإعلانات

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار وردبرس.كوم

أنت تعلق بإستخدام حساب WordPress.com. تسجيل خروج   /  تغيير )

Google photo

أنت تعلق بإستخدام حساب Google. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s

This site uses Akismet to reduce spam. Learn how your comment data is processed.