مفضلاتي .. my favorites

بسم الله الرحمن الرحيم

🌿

Processed with VSCO with hb1 preset

Processed with VSCO with hb1 preset

1- شامبو و بلسم الفراولة من ذي بودي شوب :

🌿

نوعية شعري ناعم و جاف و لكن غير دهني

تركيبة الشامبو عبارة عن جل .. للوهلة الاولى توقعته ينشف الشعر و لكن بالعكس ساعد شعري يتحسن خصوصا في الفتره اللي استعملتها فيه كان شعري تعبان من كثرة تغيير نوع الشامبو و لمن جربت هذا رجعت لشعري طبيعته .. حبيته و ناسبني و مع وجود البلسم ساعد شعري على الترطيب ..

ريحته جميله و منعشه و تمسك بالشعر لثاني يوم , انصح فيه للعرايس ..

هل راح ارجع اشتريه ؟ لا , الشامبو جميل و عاجبني ولكن مو من النوعيه اللي افضل اني اعتمدها و استمر عليها , متوفر فقط في محلات ذا بودي شوب وهذا شي يصعب الاستمرار عليه بالنسبه لي , سعره مرتفع نوعا ما الشامبو مع البلسم يكلفوا تقريبا 70 او 80 ريال , الشامبوهات موجوده في كل مكان ماوقفت على هذا يعني .. 🙊

IMG_20180829_202435.jpg

2- زبادي الجسم بالفراولة من ذا بودي شوب :

🌿

كريم جسم قوامه جدا جدا خفيف و امتصاصه على الجسم عالي تركبيته غريبه وماقد شفت زيها بكريمات ثانيه , انا حبيت الفكره وعاجبتني و الكريم ترطيبه ممتاز خصوصا بعد الحمام و الجسم لسا رطب و ريحته لطيفه و منعشه و تمسك بالجسم ..

هل راح ارجع اشتريه ؟ نعم , لانه بالنسبه لي عملي و قابل اني اعتمد عليه كترطيب جسم , سعره مقبول و فكرته و تركيبته مو متوفره بكريمات ثانيه , كميته مناسبه لانه كميه بسيطه من الكريم يمتد على الجسم كامل و سهل التوزيع و بسرعه يمتصه الجسم ..

Processed with VSCO with hb1 preset

3- لوشن eucerin حماية من اشعة الشمس من اي هيرب :

🌿

بشرتي عاديه / مختلطه

قوامه خفيف جدا و هذا السبب الرئيسي اللي عجبني فيه غالبا كريمات الحمايه من الشمس تجي ثقيله و توزيعها صعب و تتطلع طبقه بيضه على الجلد .. تكلمت عن كريم الحمايه من سيتافيل هنا

الحمايه فيه SPF 30 و بالنسبه لي كافيه ..

هل راح ارجع اشتريه ؟ ايوه , سعره مناسب لي , متوفر و سهل الحصول عليه , خالي من العطور .

2018-08-29 08.10.33 1.jpg

4- احمر خدود من انقلوت :

🌿

تركيبتها بودره و مطفيه ..

من اجمل الاشياء اللي استخدمتها مؤخرا في المكياج .. مو شرط تحطي 50 طبقه عشان يطلع اللون معاك و يبان .. لمسه وحده بالفرشة تكفي و تتوزع بسهوله و الوانها واضحه .
هل راح ارجع اشتريه ؟ ايوه , اذا كان عليها تخفيض 😅

2018-08-29 08.10.35 1.jpg

5- مزيل مناكير من بورجوا :

🌿

لليد و الرجول

اول ماجربته قلت انا ويني عنه من زمان ؟؟

رائع و مريح في الاستخدام بأٌقل من دقيقه يشيل المناكير حتى الالوان الغامقه و الاحمر اللي بالمزيل العادي تاخذ وقت و تحوس اليد و ماتروح بسرعه .. لكن ما انصح باللي مخصص للرجول متعب و مايزيل شي , الرجل ينفع لها المزيل التقليدي ..

هل راح ارجع اشتريه ؟ طبعا .

( اعتذر عن جودة الصور لكن هذي مجرد البداية )

اتمنى استفدتوا و شكرا على وقتكم ..

 

الإعلانات

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار وردبرس.كوم

أنت تعلق بإستخدام حساب WordPress.com. تسجيل خروج   /  تغيير )

Google photo

أنت تعلق بإستخدام حساب Google. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s

This site uses Akismet to reduce spam. Learn how your comment data is processed.