خطوات بسيطة لحياة صحية افضل .. simple steps to a better healthy life

بسم الله الرحمن الرحيم

السلام عليكم و رحمة الله و بركاتة

كثير مننا يعاني من القدرة على الاستمرار في نمط حياة صحي نلتزم فترة و نرجع فترة و دائرة لا تنتهي , بغض النظر عن سبب كل احد فينا للرغبة في اتباع حياة صحيه سواء لنزول الوزن , تحسين الحياة , معالجة من مرض … الخ .

فيه عدة خطوات بسيطه نمارسها في حياتنا اليوميه ممكن تساعدنا على الاستمرار في حياة صحية ..

1- المرونة :

نقطة جدا مهمة لمن يريد ان يكون اسلوب حياته صحي و ليس فترة معينة لتحقيق هدف معين ( ريجيم ) , في حياتنا العامة في تعاملنا مع الاكل لابد يكون عندنا مرونة اذا مرت فترة من عدم الالتزام هذا لا يعني انه نحس احباط من نفسنا و نستسلم و نعتقد بعدم قدرتنا على الاستمرار في حياة صحيه .. هذا طبيعي نحن بشر و الانفس تشتهي و المغريات كثير .. في قاعدة تقول 80% اكل صحي 20% غير صحي , اذا احنا متبعين نمط حياة صحي في معظم الايام هذا لا يمنع انه ناخذ يوم مفتوح وننبسط بالاكل الغير صحي , فيه جملة دايما تتكرر ( مااقدر اللتزم مع وجود عزايم صحباتي و طبيعة اكل اهلي في البيت ) .. اذا انتي ملتزمة طول الاسبوع و صحباتك قرروا يخرجوا يوم جمعة انبسطي واخرجي و كلي اللي نفسك فيه , اذا امك طابخه اكله غير صحيه لا تكسري بخاطرها و كلي منها , عندك عزومه في مكان كلي اول شي فاكهة او سلطة بعدين ابدأي بالاكل العادي حتى لو مو صحي , الفكرة انك تقسمي اكلك 80% صحي وهذي تقدري تتحكمي فيها في وجباتك خلال اليوم ..

2- شرب الماء :

من الاكثر الاشياء اللي ممكن تساعدك على الاستمرار في حياة صحيه , حتى لو اكلك بشكل عام غير صحي شرب الماء ممكن يحميك من كثير امراض و مشاكل .. اذا مرت علي فترة و كنت غير ملتزمة في اكلي سواء سفر او ضغط عمل او انتقال او ضغط نفسي , احرص حرص شديد اني مااقطع شرب الماء وهذا شي يساعدني ارجع للالتزام ..

3- الحركة :

احرصي انك ماتكملي ساعة كاملة وانتي جالسة بدون حركة حتى لو توقفي تحركي جسمك ثواني و ترجعي تجلسي .. في الحركة بركه سواء كنت ملتزمة بالرياضة او لا احرصي انك خلال يومك تتحركي كثير في البيت و برا البيت استغني عن استخدام المصعد او السلم الكهربائي في الاماكن العامة , دايما اشغلي نفسك و طلعي اعذار لنفسك عشان تتحركي , كوني انتي اول من يعرض خدماتك في انك تشتغلي شي او تجيبي شي .

4- تجنبي شراء اي منتجات غير صحية :

في السوبرماركت استبعدي اي شي غير صحي من قائمتك مشترياتك لان طالما داخل البيت في شي غير صحي في الغالب نفضل ناكله عن الاكل الصحي , ابدأي دائما دخلي في العربية الاكل الصحي في الغالب بعد ماتخلصي تسوق و تشوفي العربيه مليانه تستبعدي تزيدي عليها شي سواء بسبب الميزانية او بسبب انك تشوفي العربيه مليانه و يجيك احساس الاكتفاء .

اتمنى ان هالخطوات البسيطه تساعد اي وحده حابه انها تستمر في حياة صحيه .

شكرا على وقتكم ودمتم على خير .

   

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار وردبرس.كوم

أنت تعلق بإستخدام حساب WordPress.com. تسجيل خروج   /  تغيير )

Google photo

أنت تعلق بإستخدام حساب Google. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s

This site uses Akismet to reduce spam. Learn how your comment data is processed.