تجهيز الحج ..

بسم الله الرحمن الرحيم

🎈

السلام عليكم و رحمة الله و بركاتة

السنه الماضيه 1439 ربي كتب لي احج و لله الحمد تكلمت عن تجربة الحج في موضوع سنة في الحياة .. 2018

من اكثر الاشياء اللي بحثت عنها قبل الرحله هو التجهيز للحج اولا طبعا روحانيه و نفسيا و ثانيا تجهيز الشنطه و الاستعداد للسفر 👜
الملابس :

🎈

اختياري للملابس كان يعتمد على الراحه اول شي اخذت معي قطنيات بناطيل سترتش و تيشيرتات قطنيه تكون طويله و توصل لنص الفخذ احتراما للاجواء في المخيم

الحج تقريبا من 5 ايام الى اسبوع كل يوم لبسه و مع الحر احتياطا اخذت زياده
داخل المخيم في منى : اخذت معي البناطيل العريضه و تيشيرتات قطنيه ، ماحبيت البس ستريتش داخل المخيم لانه ضيق ، في التنقل بين المشاعر و في عرفه و مزدلفه اعتمدت على بناطيل السترتش و التيشيرتات القطن النص كم ( افضل نص كم عشان تحمي العباية من التعرق و الريحه )

من الاشياء اللي ندمت اني مااخذتها شرشف صلاة و سجادة ، مهمه جدا جدا و مااعرف ليش مااخذتها! الحملة كانت موزعه علينا سجادات صلاة و لكن الافضل سجادتك و شرشف الصلاة يكون معاك

رغم ان قرأت نصائح كثير عن تجهيز الحج بس مااعرف ليش نسيتها!

بالنسبه للعبايات 3 اقل شي ، اخذت 3 و برضو حسيتها قليله ، لاني مااخذت شرشف صلاة كنت لابسه العبايه معظم الوقت حتى في المخيم عشان الصلوات مع الاكل و الحركه العبايه تتوسخ بسرعه.

و في حال لبستي النقاب بعد التحلل من الاحرام 3 او 4 نقابات اقل شي ، بندانة او غطاء الشعر القطن اللي ينلبس تحت الحجاب مهم و ضروري جدا جدا نفعني لانه يثبت الحجاب بدون ما اشيل هم ان الطرحه تنفك او تخرب.

انصح بالعبايات الوانها فاتحه بيج و ابيض عشان المشي بالشمس تخفف عنك الحرارة.

بالنسبه للملابس الداخليه احرصي انها تكون مريحه و قطن و ابتعدي عن حمالات الصدر اللي تجي بسلك من تحت لانها متعبه بالنوم و بالحركة.

لبس ليوم العيد بسيط و مريح.

الشنطه اللي تستخدميها لأغراضك المهمه الجوال و الفلوس تكون خفيفه اهم شي و صغيره ، شنط الظهر اللي على شكل كيس حلوه و عمليه و لكن اللبسيها على قدام اضمن لك ، شنط الخصر خيار مناسب و لكن ماجربتها.
العناية الشخصية :

🎈

غير الامور الاساسيه و المعروفة (شامبو ، صابون ، فرشاة اسنان و معجون ، مشط ، منشفة … الخ )

انصحك تاخذي مزيل رائحة عرق يكون قوي و يتحمل على الاقل مدة 24 ساعه لانه مو كل الوقت الحمامات تكون فاضيه عشان تقدري تتحممي.

فوط صحية للاحتياط ، اوراق مخصصه لكرسي الحمام استخدام واحد موجوده بالصيدليات ، مناديل ديتول و معقم ديتول ، مقص شعر عشان بيوم العيد ماتضطري تستخدمي حق احد ثاني ، كمامات.

عطر للاستخدام بعد التحلل من الاحرام

نظارات شمسيه و مظلة شمسيه مهمه جدا جدا ، المظله ممكن مع الزحمه و التعب ماتقدري تشيليها طول الوقت فخذي معاك كاب او قبعه تحميك من الشمس.
نصائح عامة :

🎈

خذي معك اكياس بلاستيك العاديه للملابس المستخدمه + علاقات ملابس نفعتني كثير للمنشفه بعد الحمام لمن تكون رطبه عشان ما تتطلع روائح اعلقها و في حال اضطريتي تغسلي ملابس تنشري عليها 👍🏻

جزمة مريحه للمشي و افضل شي سكتشيرز

شبشب للحمام و شبشب لداخل المخيم.

ضروري التطعيمات اللازمة قبل الحج و فيتامين سي عشان بأذن الله تكون عندكم وقايه من الامراض.

الحملات الان معظمها توفر اكل و بوفيهات كامله و ممكن تكون مغريه للبعض و لكن مهم جدا التخفيف من الاكل قدر الامكان و اعتماد فقط الاكل الصحي اللي يعطي طاقة و الفواكه و النشويات زي التوست البر و الشوفان خيارات ممتازه لانها بأذن الله تعطي الجسم طاقة 👍🏻

شرب المويه ضروري جدا جدا لا تتجنبي المويه بحجة مافيه حمامات ، انا كنت احرص خلال الفتره اللي اتواجد فيها في المخيم اشرب مويه كثير و اخذ احتياجي و لمن يقرب وقت تركنا للمخيم للتنقل بين المشاعر اخفف مويه و ادخل الحمام قبل نخرج و ما واجهت مشاكل من ناحية الحمام ابدا.

خلال حجتي اعتمدت على اللبن الزبادي و الفواكه و التمر و الحملة كانت موفره معلبات جاهزه زي الذرة و الحمص وفادتني جدا.

قبل الخروج من المخيم كنت احرص احط في الشنطه فاكهه موز او تفاح او تمر وعلبة مويه تفك ازمة في حال تعبتوا او جعتوا و مارجعتوا للمخيم بدري ، مناديل ديتول و معقم ✨

حج مبرور و سعي مشكور ..
شكرا على وقتكم .. دمتم بصحة و عافية 🌼

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار وردبرس.كوم

أنت تعلق بإستخدام حساب WordPress.com. تسجيل خروج   /  تغيير )

Google photo

أنت تعلق بإستخدام حساب Google. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s

This site uses Akismet to reduce spam. Learn how your comment data is processed.